Errentatutako finka aldatu, hobetu edo eraberrituko duen obraren bat egin nahi izanez gero, aldez aurretik Etxebizitzako Lurralde Ordezkaritza egokiaren baimena eta ALOKABIDE, S.A.rena lortu behar dituzte.

Obrek bat etorri beharko dute aplikatu beharreko ordenantza teknikoekin eta eraikuntza arauekin.

ALOKABIDERI edo haren mandatudunei nahi duten guztietan utzi behar zaie finkan sartzen, higiezinaren segurtasuna edo osasungarritasuna ukitzen duten inguruabarrak ikuskatzera edo begiztatzera, edo istripuen, ur isuri edo ihesen eta antzeko edo ezbeharren ondoriozko konponketak egitera.

Halaber, ALOKABIDERI edo haren mandatudunei aldian-aldian finkan sartzen utzi behar zaie bertako barrundegi guztiak ongi erabiltzen diren eta behar bezala zainduta dauden ikuskatzera.

Errentariak hartu duenean bezala eduki behar du dena bertatik irten arte, eta bere kargura izango da etxebizitzako hodiak eta hustubideak artatzea eta haien buxadurak konpontzea eta argien instalazioen, entxufeen, pertsianen, osasun aparatuen, iturrien, giltzen eta gainerako balbulen, pinturaren eta apainduraren, leihoen eta ateen hondamen edo matxuren konponketa. Errentariak hartu bezala utzi beharko ditu etxebizitza, trastelekua eta garajea.

Nolanahi ere, eraberritze lanen bat egiteko ALOKABIDE S.A.ren baimena lortzeko, sar zaitez eta bete ezazu BAIMENA ESKATZEKO INPRIMAKIA. Bete ondoren, eraman ezazu zure probintziari dagokion Bezeroaren Arretarako Bulegora.