Alokatze-kontratuko 5. klausulan adierazi bezala, kontratu-urte bakoitzaren amaieran errenta aztertuko dute.

Dena den, alokatze-kontratua, hau izenpetu zenuen datan berraztertu beharko litzateke; horregatik, errenta berria, data horren hurrengo hilabetetik aurrera aplikatu beharko litzateke.

Hori hala gertatzeko, lehendabizi, gutun ziurtatuaren bidez, kopurua kalkulatzeko behar dugun dokumentazioa eskatuko genizuke:

- Errenta-aitorpena aurkeztuz gero:

• NAN fotokopia.
• Azken zerga-ekitaldiko errentaren aitorpenaren fotokopia.
• Datuak eskatzeko baimena sinatua (igorriko dizugun gutunean erantsiko dugu)
• Bizikidetza Unitateko kide-kopuruaren aitorpen sinatua (igorriko dizugun gutunean erantsiko dugu)

- Errenta-aitorpena aurkezteko obligazioa ez baduzu:

• NAN fotokopia
• Azken zerga-ekitaldian lan egin duzun enpresako edo enpresetako 10-T eredua izeneko sarreren ziurtagiriaren fotokopia.
• Aitorpena aurkezteko obligazioa ez duzula adierazten duen ziurtagiria (Ogasunak halakorik eman badezake).
• Azken zerga-ekitaldi itxian jasotako pentsio edo laguntzen ziurtagiria.
• Datuak eskatzeko baimena sinatua (igorriko dizugun gutunean erantsiko dugu)
• Bizikidetza Unitateko kide-kopuruaren aitorpen sinatua (igorriko dizugun gutunean erantsiko dugu).

Dokumentazioa bildu ondoren, errenta berria kalkulatuko genuke. Informazio pertsonalizatua nahi baduzu jar zaitez harremanetan gurekin.