Etxebizitza Plan Nagusia 2002-2005 Eusko Jaurlaritzak onetsi zuen 2002ko azaroaren 5ean. Plan horren helburu estrategikoen artean dago, besteak beste, etxebizitzen alokairua sustatzeko politikak indartzea eta horrela, behar besteko entitatea duen alokairuko etxebizitzen parke publikoa sortu.
Helburu hori lortze aldera, Planak beharrezkoa ikusten du etxebizitzen parke publiko hori kudeatzeko egitura egokia antolatzea. Lan hori alokairua sustatzeko ALOKABIDE sozietateari egokitu zitzaion, bera baita Etxebizitza Planaren eragilea eta Eusko Jaurlaritzako Etxebizitza eta Gizarte Gaietako Sailaren tresna nagusia alokairuaren esparruko politika garatzeko. Horrela bada, lortu nahi dena da sailaren aurrekontu-baliabideekin baino garatu ezin zitezkeen jarduerak biderkatzea.
Orain arte, Euskadiko Autonomia Erkidegoko Administrazioarenak diren etxebizitzak, esleipendunei alokairuan utzitakoak, Etxebizitzako Lurralde Ordezkaritzek kudeatzen zituzten. Kontuan izanik etxebizitza kopurua oso altua dela eta geografikoki sakabanatuta daudela, beharrezkotzat jo dugu etxebizitza-parke hori mantentze aldera eta hobeto kudeatze aldera, hainbat neurri hartzea.
Hori dela eta, Eusko Jaurlaritzako Etxebizitza eta Gizarte Gaietako Sailak eta alokairua sustatzeko Alokabide sozietateak lankidetza-hitzarmena sinatu dute Administrazioarenak direnak eta alokairuan utzitako higiezinak administratu, kudeatu eta mantentzeko.
|
Lege
informazioa 
