Aurkezpena
2003. urtean, jarduera hedatzeko diseinu-lanetan aritu zen BIZIGUNE. Jarduera horren nondik norakoak 2002-2003ko neguan finkatu zituen. Jakina denez, Euskadin hutsik dauden etxebizitzetako batzuk abian jartzea du helburu programak. Honetan datza: Eusko Jaurlaritzak ?VISESAren bitartez? etxebizitzaren jabeari puntualki errenta bat ordaintzea, eta etxebizitza zaindu eta egoera onean itzultzea ziurtatzen dio; eta maizterrari, berriz, alokairu-erregimenean etxebizitza duina arrazoizko prezioan eskuratzea.

Aurrekariak
2002an, jarraian adierazten diren gertaera garrantzitsuek Bizigune programa sortzea ekarri zuten:
•Etxebizitza Bideratzeko Plana 2002-2005 onartzea. Bertan, aipatutako aldian 5.000 etxebizitza huts abian jartzeko helburua jasotzen da.
•VISESAren organigrama onartzea, Etxebizitza Hutsaren Saila sortzea barne.
•Eusko Legebiltzarrak onartutako Eusko Jaurlaritzaren Aurrekontu Orokorretan, 2 milioi euroko kontu-saila onartu zen Etxebizitza Hutsaren programarako (2002ko abenduaren 27a).
•316/2002 Dekretua onartzea, Etxebizitza Hutsaren programa sustatu eta programa hori Visesak kudeatzea gomendatzen duena (2002ko abenduaren 30a).