ZERTAZ ARDURATZEN DA ALOKABIDE?

Alokabide SA alokairu-sozietatea da, Bizigune programan bildutako etxebizitzetan gertatzen diren gorabeherak eta ez-ordaintzeak kudeatzeaz arduratzen dena, maizterrarekin egindako errentamendu-kontratua indarrean den bitartean.

ALOKAIRUAREN ONURAK BIZIGUNE PROGRAMAN:

Etxebizitza horietako bat eskuratu ahal izateko, Etxebideren erregistroan jasota egon behar da, eta etxebizitza hutsa alokatzeko programan parte hartu nahi dela adierazi behar izan da eskaeran.

Etxebizitza horietako bat esleitzeak onura hauek dakartza:

• Etxebiden eskatutako udalerrian batzuetan etxebizitza duina eskuratzea.
• Bidezko hileko errenta ordaintzea, pertsona edo bizikidetza-unitate esleipendunaren diru-sarreren araberakoa: ordaindu beharreko errenta ez da inoiz pertsonaren edo bizikidetza-unitatearen diru-sarreren % 30etik gorakoa izango.
• Etxebideren erregistroan jarraitzea, babes ofizialeko etxebizitzak erosteko eta etxebizitza sozialak alokatzeko aukerei dagokienez.

ZEIN GASTU ORDAINTZEN DITU ERRENTARIAK?

Errentaria, errentaz gain, ordainagiri helbideratuaren bidez, etxebizitzaren mantentzea eta hornidurak (ura, elektrizitatea, gasa, telefonoa, etab.) ordaintzeaz arduratzen da.

Errentariak ez ditu ordainduko etxebizitza horren komunitate-gastuak ez eta Ondasun Higiezinen Zerga ere. Salbuespenak izango dira uren gastuak eta, balego, berokuntza zentralarenak

ETXEBIZITZAN ERABERRITZE LANAK EGIN AHAL DAITEZKE?

Errentariak ezin du inolako eraberritze lanik egin etxebizitzan VISESA sozietate ahalordedun edo gozamendunak beren beregi baimena ematen ez badu. VISESA jarriko da harremanetan jabeekin hauen baimena eskatzen duten gorabeherak kudeatzeko.

KONTRATUA AMAITZEKO ARRAZOIAK

Errentariak etxebizitza baten jabe izatea, babes ofizialeko arautegiaren arabera onuradun izateko ezinbestekoa baita etxebizitzarik ez edukitzea.

Etxebizitzan bizitzea adjudikaziodun den elkarbizitza-unitatekoa ez den pertsonaren bat.

Errenta edo, halakorik balego, errentariari dagokion edo bere gain hartu duen beste edozein kopuru ez ordaintzea.

Fidantza ez ordaintzea.

Etxebizitza besteri errentan ematea edo lagatzea, zazpigarren klausulan ezarri den bezala.

Finkari kalte egitea edo, baimena behar denean, VISESAk baimendu gabeko obrak egitea.

Urtean, ondoz ondoko bi hiletan etxebizitzan inor ez bizitzea, edo errentariak etxebizitza etengabe bizitzeko ez erabiltzea.

Etxebizitzan etxe-abereak edukitzea.

VISESAri errenta eguneratzeko BEHAR DIREN AGIRIAK eguneratze-eguna baino bi hilabete lehenago ez aurkeztea.

VISESAri etxebizitza IKUSKATZEA eragoztea, seigarren klausulan adierazi den bezala.

Hiri Errentamenduen Legeko 27. artikuluan ezarritako gainerako legezko arrazoiak.