Alokabide SA 2000ko martxoan sortu zen, 2.000 milioi pezetako kapitalarekin. VISESA sozietate publikoak kapitalaren % 50 jarri zuen. Beste %50a euskal aurrezki-kutxek jarri zuten, Euskadiko Kutxarekin batera, eta honela banatu zuten ekarpena: BBK-k % 43, Gipuzkoa Donostia Kutxak % 30,5, Caja Vital Kutxak % 13 eta Euskadiko Kutxak % 13. Orduko Lurralde Antolamendu, Eusko Jaularitzaren sozietate instrumentala izateko asmoz sortu zen, alokairuaren esparruan haren etxebizitza-politika garatzearren.

2003. urtean hasi zen Sozietatearen benetako garapena. Urteko gertakari garrantzitsuenak hauek dira:

1. Martxoa eta ekaina bitartean, 2003-2006 Plan Estrategikoa egin zen, eta, uztailean, Administrazio Kontseiluak hura onartu zuen. Plan horretan zehazten dira Sozietatearen proiektuaren oinarrizko ezaugarriak, hots: aldian zehar Visesari erosi beharreko etxebizitzen (horiei lotutako eranskinak barne) sustapenak, alokairuak kudeatzeko eredua, mantentzea kudeatzeko eredua, kudeaketa-eredu integrala… Datu adierazgarri gisa, esan beharra dago aipatutako kontseiluak Visesari hamaika sustapen (1.336 etxebizitza) erostea onartu zuela, 87.000.000 €-tan.

2. Urtean zehar, Sozietatea finantzatzeko era aztertu eta onartu zuen.

3. Abenduan lehen sustapena erosi zuen: Lakua-230.

4. Eta, abenduan ere, maizterrekin lehen errentamendu-kontratuak sinatu zituen.

2004 finkatzearen urtea izan zen. Orduan hasi zen sozietate sustatzailearen heldutasuna eta plan Estrategikoan onartutako organigrama garatzeko falta ziren pertsonak kontratatzea, hots: mantentzearen arduraduna eta bezeroarentzako arreta-bulegoen arduradunak.

Une horretatik gaur egun arte, sustapen asko eskuratu dira, etxebizitza asko kudeatu dira eta pertsona asko sartu izan ahal dira etxebizitza batera. 2010-2013 plan zuzentzailean, jaurlaritzak agerian utzi du bere lehentasunetako bat etxebizitza publikoa garatzea dela; beraz, ezinbestekoa da horretarako tresna eraginkor eta berezitua edukitzea, kudeaketa-eremu publikoa argi eta garbi definituko duena, hain zuzen.

Horregatik guztiagatik, 2011ko martxoaren 29an, Alokabideren ibilbidean beste gertaera garrantzitsu bat gertatu izan da: enpresa publifikatu egin da, eta Eusko Jaurlaritzaren baliabide instrumental propio eta zerbitzu tekniko bihurtu da.